Pages

Friday, July 31, 2009

අතිශයින්ම දෙමව්පියන්ට පමණයි.... !!! දෙමව්පියන් වන්නට සිටින අයද බැලුවාට කම් නැත.....

මේ දිනවල බොහෝ සෙයින් කතිකා වන්නේ ළමා පරපුරට අනවශ්‍ය දේ අළුත් තාක්ෂණයත් සමඟ ඇවිත් ඇති බවකි. නමුත් අපි දන්නා විදිහට නම් තාක්ෂණය අනවශ්‍ය දේ පාලනයට ද තාක්ෂණය දස්සය.

අද මම මේ කියන්නට යන්නේ වින්ඩෝස් විස්ටා ඔස්සේ තම දරුවා වෙනුවෙන් විශේෂයෙන් පාලනය කරන ලද පරිශීලක ගිණුමක් සකස් කරගන්නේ කෙසේද කියායි. මෙම පහසුකම තාක්ෂණය සමඟ වැඩ කරන බොහෝ දෙනා දන්නවා ඇති. නමුත් නොදන්නා අයට කියා දීම තුලින් පරිගණකයට නිරපරාදේ බැනුම් අහන්නට නොවනු ඇත.

[මා ලිනක්ස් / උබුන්ටු/ ෆෙඩෝරා ආදී කොට ඇති නිදහස් මෘදුකාංග - මෙහෙයුම් පද්ධති සමඟ වැඩි දුර වැඩ කර නොමැති නිසා (සිංහලෙන් ද ඇතැයි පැවසෙන) එම මෙහෙයුම් පද්ධති තුලද මෙවැනි අතිශය සරල මාපිය පාලකයක් ඇත්නම් එහි පිහිටුම් සකස් කර ගන්නා ආකාරය ද පහතින් දක්වන මෙන් මෙම සටහන කියවන නිදහස් මෘදුකාංග - මෙහෙයුම් පද්ධති භාවිත කරන්නන්ගෙන් ඉල්ලා සිටිමි. ]

පියවර 1:

විස්ටා මෙහෙයුම් පද්ධතියේ පාලක පුවරුව වෙත යන්න.

පියවර 2:
පරිශීලක ගිණුම් හා පවුලේ සුරක්ෂිතතාව යටතේ ඇති “ඕනෑම පරිශීලකයකු සඳහා මාපිය පාලක සිටුවන්න” තෝරා ගන්න. (මෙහිදී අමතර අවසර ලබා දීමක් අවශ්‍ය වීමට පුළුවන. )
පියවර3:
දැන් ඔබට ලැබෙන්නේ පහත පරිදි තිරයකි.


ඔබේ දරුවා වෙත වෙනම පරිශීලක ගිණුමක් තිබීම මෙහිදී අවශ්‍ය වේ. එම පරිශීලක ගිණුම පරිපාලක මට්ටමේ ගිණුමක් නොවිය යුතු අතර සම්මත මට්ටමේ ගිණුමක් විය හැකිය. දරුවා වෙනුවෙන් වෙනම ගිණුමක් නැත්නම් “නව පරිශීලක ගිණුමක් තනන්න” ඔස්සේ දරුවා වෙනුවෙන් නව ගිණුමක් අරඹන්න. ඒ සඳහා පහත තිරය ඔබට ලැබේවි. මෙහි ගිණුම් නාමය දී ගිණුම තනන්න.


මෙහිදී මවිසින් දුන් නම : “පොඩි පුතා”

පියවර 4:
දැන් ඔබට මීළඟ තිරය ඔස්සේ මාපිය පාලකයේ සිටුවම සකසන්නට පුළුවන්.

පළමු ව මාපිය පාලක කොටසේ “මත, වර්තමාන සිටුවම් බලපවත්වන්න යන්න තෝරා ගන්න. (මෙහිදී වර්තමාන සිටුවම් යනු දැනට පරිගණකයේ පවතින මාපිය පාලක සිටුවමයි. එහි සාරාංශ විස්තරයක් දකුණු පසින් දැක ගත හැකියි. )

මීළඟට ක්‍රියාකාරකම් වාර්තාකරණය සඳහා ද අදාළ සිටුවම තෝර ගන්න. මෙම සැකසුම හරහා ඔබට පහත පරිදි අදාල ගිණුමේ ක්‍රියාකාරකම් වාර්තාවක් දැකගැනීමට පුළුවන. පිවිසි වෙබ් අඩවි, යෙදුම්, ක්‍රීඩා, ඊ තැපෑල, ක්ෂණික පණිවිඩ සහ මාධ්‍ය භාවිතයන් පිළිබඳ වාර්තාවක් මෙහිදී ලැබේ.


පියවර 5:
දැන් ඔබට තිබෙන්නේ අවශ්‍ය පරිදි මාපිය පාලක සිටුවම් සකස් කිරීමයි. මෙහිදී මූලික අංශ 4 ක් ඔස්සේ ඔබේ දරුවාගේ පරිගණක ක්‍රියාකාරකම් සීමා කළ හැක.

1.Windows Vista වෙබ් පෙරහන:


මෙම තිරය ඔස්සේ ඔබේ දරුවා වෙනුවෙන් සිදුකරනු ලබන පාලනයන් ඔබේ කැමැත්ත පරිදි සිදු කරන්න.

මෙහි “නිශ්චිත වෙබ් අඩවි වලට ඉඩ දෙන්න සහ අවුරන්න” යන කොටස යටතේ ඇති “ඉඩ දුන් සහ අවුරන ලද ලැයිස්තුව සංස්කරණය කරන්න” නම් සබැඳියට ගිය විට වෙබ් අඩවි වල ලිපින ඔස්සේ සීමාවන් පැනවීමට හැකිය.

ඊට පහලින් ඇති කොටස ඔස්සේ වෙබ් පිටුවල අන්තර්ගතය අනුව සීමා කිරීම් සිදුකළ හැකිය. මෙහිදී වැඩි, මධ්‍යම සහ කිසිත් නැත යන මට්ටම් වලට අමතරව අපට අවශ්‍ය පරිදි සකස් කළ හැකි “අභිමත” නම් වූ විකල්පය ද අප සතුයි.

මෙලෙස සැකසීමෙන් පසු “හරි” බොත්තම ක්ලික් කරන්න

2. කාල සීමා


මෙමගින් දරුවා පරිගණකය භාවිත කරන පැය ගණන සීමා කළ හැකිය. අදාල කොටු මත ක්ලික් කිරීමෙන් එම කාලය තුල අදාල ගිණුම ඔස්සේ පරිගණකයට ඇතුළු වීම වළකයි.


3.ක්‍රීඩා
පරිගණක ක්‍රීඩා සම්බන්ධ පාලනය කිරීම් මේ ඔස්සේ කළ හැක. මෙහිදී පරිගණකයේ ස්ථාපිත ක්‍රීඩාවන්ගේ නම් හරහාද මෙම පාලනය සිදු කළ හැකිය.


4. නිශ්චිත ක්‍රම ලේඛ ඉඩදීම සහ අවුරා දැමීම
මේ හරහා දරුවාට අවසර ඇති පරිගණක වැඩසටහන් තෝරාගන්න.

ඔබේ දරුවා වෙනුවෙන් සකස් කළ මාපිය පාලකය දැන් සකස් කර අවසන්.

පියවර 6:

දැන් නව ගිණුම හරහා පරිගණකය පුරන්න. මෙහිදී දරුවාගේ ගිණුම වෙනුවෙන් රහස් පදයක් ද ඇතුල් කරන්න.

සැ:යු: ඔබේ පරිපාලක ගිණුමේ රහස් පදය දරුවා වෙතට ලැබෙන්නට සැලැස්වීමෙන් වළකින්න.

මෙම ලිපිය සකසන්නට මූලික හේතුව වූයේ නවීන තාක්ෂණය දරුවන් වෙත නුසුදුසු බව පවසමින් මේ දිනවල පවතින මහා ඝෝෂාවයි. නමුත් පරිගණකය පාලනය සඳහාද මේ අයුරින් විවිධ ක්‍රම හඳුන්වා දී තිබේ. එය එසේ වුවද මේ ආකාරයේ කුමන පාලන විධි හඳුන්වා දුන්නත් ඒවා අතික්‍රමණය කිරීමට ක්‍රම දින දින සොයා ගැනේ. එබැවින් ඔබේ දරුවා පරිගණකය භාවිත කරන අයුරු මෙන්ම දරුවා පිළිබඳ වද විමසිල්ලෙන් සිටීම ඔබේ වගකීමයි.

මෙම ලිපියේ කරුණු මුද්‍රණය කරගැනීමට හෝ කිසිවෙකුට යැවීමට අවශ්‍ය නම් මෙම ගොනුව බාගත කරගන්න.

9 දෙනෙක් ප්‍රතිචාර දක්වල:

saujee said...

Good one wajira!!!!!!!!!!!!!

ushan said...

අම්මට ඉස්සෙල්ල පුතා account එකක් හදයි දන්නෑ.................................

එහෙව් පුත්තුනේ මෙහේ ඉන්නේ ....................

 {වැදගත් ලිපියක් තැන්කුuuuuuuuuuu }

කරුමක්කාරයා said...

ඈතටම වෑදගත් ලිපියක්... ස්තුතියි

දුකා said...

Wooooow good post. . . well done . . .!

Niranjan ~ නිරන්ජන් said...

ඈහ්... අපි බය වෙයි ඔව්වට... ඕක bypass කරන්න වැඩක් තියෙනවා.. මම මෙහෙම කියන්නේ ඔයත් එක්ක අමනාපයකට නෙවෙයි! පුද්ගලිකව මම වාරණ නියෝග වලට කැමති නැති නිසා.... තවද වාරණ මගින් වෙන්නේ තව තවත් බරපතල තත්ත්ව ඇති වීමට මග පාදන එක විතරයි!!

Niranjan ~ නිරන්ජන් said...

අයියෝ!! මේ word verification එක අයින් කරන්න...

වජිර නදුන් සෝමරත්න said...

@Niranjan ~ නිරන්ජන්:
"ඈහ්... අපි බය වෙයි ඔව්වට... ඕක bypass කරන්න වැඩක් තියෙනවා.." ඒක ඇත්ත . ඒක තමයි මම කියල තියෙන්නේ මෙහෙම:
"එය එසේ වුවද මේ ආකාරයේ කුමන පාලන විධි හඳුන්වා දුන්නත් ඒවා අතික්‍රමණය කිරීමට ක්‍රම දින දින සොයා ගැනේ. එබැවින් ඔබේ දරුවා පරිගණකය භාවිත කරන අයුරු මෙන්ම දරුවා පිළිබඳ වද විමසිල්ලෙන් සිටීම ඔබේ වගකීමයි."

දරුවා හැදිය යුත්තේ වාරණ මගින්ද නැතිනම් වෙන කුමන ක්‍රමයක් මගින්ද කියන එක තීරණය කරන්න මට නම් බෑ. නමුත් මම මෙහිදී කිව්වේ කැමතිනම් මෙහෙමත් කරන්න පුළුවන් කියල විතරයි.

"මම මෙහෙම කියන්නේ ඔයත් එක්ක අමනාපයකට නෙවෙයි!" - අනේ මාත් එක්ක අමනාප වෙන්නේ මොකටද? :-)

වජිර නදුන් සෝමරත්න said...

@saujee , @ushan,@කරුමක්කාරයා,@දුකා:
දිරිගැන්වීම් වලට බොහොමත් ස්තූතියි...

@හැමෝටම: කෝ මේ ලිනක්ස් වලිනුත් මේ දේ සිංහලෙන් කරගන්න හැටි කාටහරි මේකේ දාන්න පුළුවන්ද?

Hakuna Matata said...

ඹල්ලී...තහනම් කලාම විනෝදය වැඩියි...Prohibition is the Juvisance.(Enjoyment)

Post a Comment

මේ සටහන ගැන ඔබට හිතුන දේ පහලින් ලියල දාන්න...