Pages

Sunday, July 31, 2011

කේවල් කිරීම මුල සිට සරලව... අදම ඉගෙන ගන්න...

අදත් මම කියන්න යන්නේ මගේ චාරිකා සටහනක් තමයි...
හැබැයි විශේෂ තැනක් ගැන නම් නොවෙයි. මගෙ අත්දැකීමක් ගැන.
දැන් කියන්න බලන්න මෙතනින් ත්‍රී වීල් එකක ගමනක් ගියපු නැති එක්කෙනෙක් ඉන්නවනම්.... ? මම හිතන්නේ නැතුව ඇති... අපි හැමොම ත්‍රී වීල් වල ගමන් බිමන් යනවනේ...

ඔන්න මම කියන්න යන්නේ මම ඉන්දියාවේ චෙන්නායි වලදි ත්‍රී වීල් වල ගියපු හැටි තමයි...

හැබැයි ඉතින් මුලින්ම කියුව මේව ලන්කාවේ ක්‍රියාවේ යොදවල එහෙම මාස ගානක් තෙල් සාත්තු කරන්න උනොත් මට බනින්න එපා...
මම මේක මේ ලියල තියන්නේ කට්ටිය චෙන්නායි වල ගියොත් විතරක් කරල බලන්න .. හොඳේ....

ඔන්න ඉතින් ගමනක් යන්න පාරට බැස්ස කියමුකෝ.. දැන් ත්‍රීවීල් එකක් අල්ලගන්නයි මට ඔනේ.. පාරේ අය්නට වෙල ඉන්නකොට ඔනේතරම් ත්‍රීවීල් එනව. ඔන්න මම එකකට අත දාල නැවැත්තුව කියමුකෝ..

ඔන්න මම යන්න ඕන තැන කියල අහනව "හවු මච් ?" කියල..
මෙන්න බුවා කියනව 250 යි කියල...
කියපු හැටියම මම අතකුත් ගසල දාල ආපහු හැරෙනව....
මෙන්න බලද්දි පිටිපස්සෙන් ත්‍රී වීල් 3ක් විතර නවත්තගෙන බලන් ඉනන්වා...
ඔන්න මම පිටිපසෙ එක ලඟට යනකොටම අර ඉස්සෙල්ල 250 කියුව මැන් කියනව මෙහෙම...

" බොස් .. බොස්... කම් " කියල.....

එතකොට මැන් කියනව... "ගිවු මී 220" කියල...
මෙන්න මම අඩු කරන්න කියන්නත් ඉස්සෙල්ල 30ක් අඩු කරල... ඒ කියන්නේ

ලන්කාවෙ ගානෙන් නම් 75ක් අඩු කරල.. :)

එතකොට මම කියනව "ටෙල් මී යුවර් බෙස්ට් ප්‍රයිස්" කියල... මෙන්න මූ කියපි 200 යි කියල...

එතකොට මම කියනව "විල් ගිව් 100... " කියල....

මෙන්න මූට මල පනින වෙලාව....

ඇයි යකඩෝ 250 හයර් එකක් 100 ට යන්න... ඔන්න බුවා කියනව...
"දෙන් ගිවු 180 කියල... "

මම කියන්ව "එවුරිඩේ ගොයින්ග් 100" කියල... ඒ කියන්නේ හැමදාම යන්නේ 100 ට කියන එකනේ... [එහේ ගිහින් කඩ්ඩ කොටන්න ඔනේ එහෙ කට්ටියගෙ කඩ්ඩෙන්ම තමයි.. :පී]

දැන් පිටිපස්ස හැරිල බැලුවහම ත්‍රීවිල් 5-6 ක් නවත්තල.... වෙලාවකට බයත් හිතෙනව මුන් ඔක්කොම එකතු වෙලා දීල අදීද කියලත්...ඇයි මේ කෙවල් කරන විදිහට....

ඔන්න දැන් මම කියනව මම 120ක් දෙන්නම් යමුද කියල...
බුවා ඉන්නෙ 180 නෙ...
ඔන්න දැන් 160 කියනව...

මම කියනව..

මැක්සිමම් 140 කියල....

මෑන් කියන්ව ටෙන් රුපීස් මෝර් ...කියල....

ඔන්න එතකොට මම අයෙත් ආපහු හැරිල යන්න හදනව පස්සේ ත්‍රී වීල් එකට...

මෙන්න බුවා කියනව... ඕකේ ඕකේ.. කියල...

ඔන්න ඉතින් 250 කියුව ත්‍රීවීල් ගාස්තුව 140 ට අඩු කරගන්න අන්න එහෙමයි...
ඒ කියන්නේ මුලින් කියුව ගානෙන් බාගයක් වගේම අඩු කරල...

ඔන්න ඉතින් ගාන 110කින් අඩු කරගන්නව කියන්නේ ලන්කාවේ ගානින් 250 කටත් වඩ අඩු කරගන්නව කියන එකනේ...

මට නම් ඔය වැඩේ අල්ලල ගියා නියමෙටම... ඔන්න මුල් දවස් වල අපි ගමන් බිමන් යන්නේ එහේ ඉන්න ඉන්දියානුවෙක් එක්ක තමයි,... මැන් තමයි අපිට ඔය ක්‍රමේ කියල දුන්නේ....
අන්තිමට මම එහේ හිටපු කෙටි කාලෙට.... මෑන්ස් ටත් වඩා හොඳට මට ඔය වැඩේ පුරුදු උනා...
එක දවසක් බුවා මාව එක්ක ගියේ 120 කට... පස්සෙ දවසක මම 80 ට ගියා එකම දුර,.... මෑන්ස් ටත් පුදුමයි වැඩේට....

හැබැයි මේ වැඩේ ලන්කාවෙනම් අත් හදාබලන්න එපා... අනිවා කන්න වෙනව ත්‍රී වීල් බුවාගෙන් අම්බානට...

චෙන්නයි වල ත්‍රී වීල් ගැන් කියුව හන්ද මේ විස්තර ටිකත් කියන්නම් කෝ..
හැම ත්‍රී වීල් එකකම මීටරයක් සවි කරල තිබ්බට කිසිම එකක් වැඩ කරන්නේ නැ. ඒක හන්ද ගාන කතා කරගෙනම තමයි නගින්න ඔනේ...

අනික ලංකාවේ වගේ හොඳ සෙට් අප් එකක් එහෙම සවි කරපු ත්‍රී වීල් එකක් නම් ජීවිතේට අල්ලගන්න වෙන්නේ නැ...

හැබැයි ඉතින් අපි නම් ඒ දවස් වල එක දෙයක් ගැන නම් බොහොම කට පරිස්සම් කරගත්ත... ඒ කියන්නේ අපි ආවෙ ලන්කාවෙන් කියල කියන්න.. මොකෝ ඒ වෙද්දි ප්‍රභා මල්ලි මරල අවුරුද්දක් වත් ගෙවිල තිබුනෙ නෑ...

මොකෝ අපි ඒ දාපු සද්ද වලට මේ යක්කු අපි ලන්කාවෙ කියල දැන ගත්තනම්.... අම්මෝ..... මතක් වෙනකොටත්... හිරිගඩු පිපෙනව... හික්ස්....

Sunday, July 24, 2011

හිතේ දුකින් ලියා දන්වන වගනම්......

2006 අවුරුද්දෙ ජනවාරි මාසෙ 16 වෙනිද මම අලුත්ම වැඩකට මුල පිරුව...ඒ දවස් වල නම් මේ ගමන මෙච්චර දුරක් එන්න වෙයි කියල කොහෙත්ම හිතුවෙ නෑ. කෝ ඉතින් පටන් ගත්ත වැඩේ කියන්න බැරි උනානෙ...
එදා ඒ විදිහට තමයි "නදුන් උයන" පටන් ගත්තේ.

කොටින්ම කියනවනම් බ්ලොග් ලියන්න අතපොත් තිබ්බෙ එදා තමා... මට මතක හැටියට එ කාලෙ වෙද්දි මූනු පොත තිබුනෙත් නැද්ද කොහෙද.. නමුත් "සමාජ ජාලකරණ" කියන සංකල්පය ඒ කාලේ වෙද්දි ප්‍රචලිත වෙන්න පටන් අරන් තිබුන... මම හා හා පුරා කියල ඔය කියන විදිහෙ සමාජ ජාල ගිනුමක් හදාගත්තේ "නදුන් උයන " වෙනුවෙන්. හැබැයි අපි අද පාවිච්චි කරන බ්ලොගර් හරහා නෙවෙයි. "www.multiply.com" කියන අඩවිය හරහා...

මෙන්න තියනව මම හා හා පුරා කියල ලියපු බ්ලොග් සටහන...

http://somarathne.multiply.com/journal/item/1/I_have_strted_blogging

අපෝ හෙන චාටර්... ස්පෙලින්ග් වත් හරියට නෑ... ඒ උනාට... එදා ඉඳලම බ්ලොග් ලියන්න ගත්ත.... මුලින්ම ඉතින් කඩ්ඩෙන් තමයි ලියුවෙ... ඔය අතරෙ මම සිංහලෙන් පලකරපු පලවෙනි ලිපිය තමයි මෙ...

" සටන් විරාමය සමඟ ගිය ගමනක අවසානය ".. මේක ඇවිල්ල ලියුවෙ නම් මම නෙවේ.

මෙන්න මමම ලියපු පලවෙනි සිංහල බ්ලොග් සටහන.... ""
(http://somarathne.multiply.com/journal/item/83/83)

ඔන්න කොහොමෙන් කොහොමෙන් හරි ඒ වෙද්දි සිංහල බ්ලොග් කරුවන්ගේ සංගමයත් බිහි වෙලා තිබ්බ...
එයාල හා හා පුරා කරපු පලවෙනි බ්ලොග් මැරතොන් එකටත් මම සෙට් උනා ආසාවෙන්ම.....

ඔය වෙද්දි මට ඔනෙ වෙලා තිබුන කවුරුත් වගේ පාවිච්චි කරන බ්ලොගර් ගිනුමක් යටතට මගෙ බ්ලොග් එක අරන් එන්න,... ඔන්න ඉතින් මම මැරතොන් එක දිව්වේ අලුත හදපු නදුන් උයනේ ඉඳන්.

ඔන්න ඔහොම යද්දි තමයි ටික කාලෙකදි , නදුන් උයනට හෙනහුරා කඩාපාත් උනේ...
මගේ බ්ලොග් එකේ "R‍SS" වැඩකරන්නෙ නැතුව ගිහින් තිබුන මොකක් හෝ තාක්ශණික හේතුවකට... මම දාන කිසිම බ්ලොග් සටහනක් සිංහල බ්ලොග් කියවනයේ පලවුනේ නෑ.. (හරියට දැන් වගේ... )
මට මාර දුකයි.... RSS හදා ගන්නත් බෑ... පරන බ්ලොග් එක දාල අලුත් බ්ලොග් එකකට යන්නත් දුකයි... [නදුන් උයන නමට මම ඒ තරම්ම ආදරේ කලා.. ]

ඔන්න අන්තිමේදි මම තීරනය කලා... මගෙම නදුන් උයන බ්ලොග් එක මකල දාල අලුත් නදුන් උයනක් ගොඩනගන්න.....

"අවසරයි මට නදුන් උයනේ සැරිසරන්නට යළිත් .... " කියල තමයි 2009 ජූලි මාසෙ 11 වෙනිදා 3 වෙනි පාරටත් අලුත්ම නදුන් උයනක් බිහි උනේ.... ඔන්න ඉතින් මමත් ඔය අනම් මනම් ලිය ලිය හිටිය... ඔය අතරේ මගෙන් බ්ලොග් ලියන පුරුද්ද නැති වෙලාම යන තරමට කාර්යාලයේ වැඩ අධික උනා.. :(
මට ගොඩාක් කාලයක් බ්ලොග් ලියන්න බැරි උනා...
ඔය අතරෙදි සිංහල බ්ලොග් කියවනයත් අලුත් උනා...
අලුත් මූනු ගොඩක් ඇවිත් තිබුන...
ඒ වගේම සිංහල බ්ලොග් කියවනයට අලුත් නීතියකුත් ඇවිත් තිබුන...
දවස් 90 කින් සටහනක් නොදාපු බ්ලොග් ඉවත් කරනවා කියල...
ඔන්න ඔය විදිහට තමා සිංහල බ්ලොග් කියවනයෙන් නදුන් උයන ඈත් වෙලා ගියේ....

ඊට පස්සේ මම අයෙමත් නදුන් උයනේ සැරිසරන්න පටන් ගත්ත මේ අවුරුද්දේ ජනවාරි මාසෙ ඉඳල....
ඊට පස්සේ ඔන්න බිහිවෙලා තිබ්බ හැම සින්ඩියකටම ගිහිල්ල ලියපදිංචිත් උනා...
ඒ හැමෝම නදුන් උයන තමන්ගේ සින්ඩි වලට ඇතුලත් කලත්...... මගේ බ්ලොග් කියවීමේ මහ ගෙදර උනු සිංහල බ්ලොග් කියවනය , නදුන් උයන යලිත් පිලි අරන් තිබුනේ නෑ... මම දෙවරක්ම යලි ලියාපදිංචි උනත් නදුන් උයනේ සටහන් සිංහල බ්ලොග් කියවනයේ දැක්කෙ නෑ.

මෙහෙම වෙන්න විශේෂ හෙතුවක් මම අද වෙනතුරුත් දන්නෙ නැ...
ඉස්සර වගේ නදුන් උයන පැත්තේ දැන් කුරුල්ලො වැඩිය පියාඹන්නෙ නෑ. ඔහොම යද්දි අයෙත් පලතුරු හැදෙන එකත් නවතීද කියල මට අයෙමත් බයකුත් තියනව....
මේ ලඟදි දවසක අපේ ඇඩ්මින් අය්යට ඊ-ලිපියකුත් යැවුව.. ඒත් කිසිම ප්‍රතිචාරයක් නෑ....
ඉතින් නදුන් උයනට අහම්බෙන් හරි ආපු ඔයාලගෙන් ඉල්ලන්න තියෙන්නේ සිංහල බ්ලොග් කියවනයට ඇතුලු වෙන්න මට කරන්න පුලුවන් මොනවද කියල අදහසක් කියන්න කියලයි....
"නදුන් උයන" සිංහල බ්ලොග් කියවනයට ඇතුලත් කරවු !!! කියල මට උද්ඝෝෂණයක් කරන්න බෑනේ...
කරන්න පුලුවන් එකම දේ තමයි මේ..
අන්තිමටත් කියන්නේ මේ හේතුව හන්ද නදුන් උයනේ මම නම් ඉන්නේ බොහොම දුකෙන් කියල තමයි.... !!! :(

Saturday, July 23, 2011

නදුන් උයනට කලු තෙල් ගහුවේ ඇයි ?

පහුගිය කාලයේ නිල් අහස වගේ තිබ්බ නදුන් උයනට දැන් මෙන්න කලු පාට වෙලා ... හරියට කලු තෙල් පාරක් වැදිල වගේ.
කලබල වෙන්න එපා... මේ කලුතෙල් පාර ගහල පොඩ්ඩක් පිලිවෙලයිස් කරල ගත්තෙ නදුන් උයන පාලුවට ගිහින් තිබ්බ හන්දයි. හිතනව මගෙ බ්ලොග් අඩවිය කියවන්න දැන් තවත් පහසු වෙවි කියල...

මට මතක හැටියට නම් මෙ තමයි නදුන් උයනට ඇඳුම් අන්දවපු 3 වෙනි වතාව.

ඔන්න කොහොමෙන් කොහොමෙන් හරි කාලයක් තිස්සේ කරන්න හිටපු වැඩක් කරගන්න ලැබුනා...
අලුත් මෝස්තරේ හොඳද කියලත් කියන්න පුලුවන් වෙන්නෙ මේක කියවන ඔයාලටම තමා...

Sunday, July 17, 2011

වන්ඩලූර් සත්තු වත්තට යමුද?

කාලෙකට පස්සෙ ඔන්න අයෙත් ආව නදුන් උයන පැත්තෙ...
මම වැඩිපුර මෙහෙ නොයෙනවට මට සිංහල බ්ලොග් කියවනයෙන් දීපු දඬුවම නම් තාමත් අයින් කරල නැනෙ. දුකේ බැරුවාය... :(

මහ පොලොවෙ ලියවිලා තියන දේවල්
... ගැන ලියුවට පස්සෙ මට හිතුන පොඩ්ඩක් මගෙ චාරිකා සටහන් ගැන ලියන්න..

අද මම ඔන්න ලියන්න යන්නෙ ඉන්දියාවේ චෙන්නායි හි තියන සත්වෝද්යානය ගැන.
වන්ඩලූර් සත්තු වත්ත කියල තමයි මේකට කියන්නෙ. චෙන්නායි ගුවන් තොටුපලේ ඉඳල කිලෝ මීටර් 15ක් විතර දුරින් තමයි පිහිටල තියෙන්නෙ..

මෙලෝ රහක් නැති චෙන්නායි වල තියන වැදගත් කියන තැන් කීපයෙන් එකක් තමයි මේ... සම්පූර්ණයෙන් අක්කර 1500 ක් විතර තියන මුලු භූමියෙන් විශාල ප්‍රමානයක් සත්තු නැරබිමට වෙන් කරල තියනව.

ඔන්න අපි මුල ඉඳලම එමුකො...
මෙන්න මේක තමා ප්‍රධාන් ඇතුල්වීම.



ලස්සන දිය ඇල්ලක්. හැබැයි ඉතින් කෘතීමව හදපු එකක්.
මීට පෙර මෙහෙම දෙයක් දැකල තිබ්බෙ නැති හන්ද අමුතුම සුන්දරත්වයක් මෙතන තියනව කියල දැනුන...
ඔන්න ඉතින් ගමන පටන් ගන්නෙ මෙතනින්....

විවිදාකාරයේ සත්තු ගොඩක් අපිට මෙතන දි දැක ගන්න පුලුවන් උනා...
මෙ සත්තු වත්තේ තියන විශේෂත්වය තමයි සත්තු වෙනුවෙන් විශාල ඉඩක් වෙන් කරල තියන එක...
අනික කූඩු වල ඩාල තියෙන්නෙත් ඉතාමත්ම සීමිත සත්තු සංඛ්‍යාවක්.

මෙ බලන්නකො වඳුරො , රිලවු ඉන්න හැටි... උනුත් ගොඩක් නිදහස බුක්ති විඳිනව කියල තමයි මට නම් තේරුනෙ..


මම මෙහෙදි දැකපු තව දෙයක් තමයි මෙ සත්තු ගොඩක් කූඩු වල දාල තියනවට වඩා විකල්ප ක්‍රම අනුගමනය කරල තියනව කියන කාරනේ..

මෙ බලන්නකො වලස් තඩියෙක් අපි ලගටම වෙලා ඉන්න හැටි..


මෙ වගෙ සත්තු ඉන්නෙ විශාල ගැබුරු කානු වලින් වට කරපු බිම් කොටස් වල...
එ හන්ද මෙ සත්තුන්ට මිනිස්සු ලඟට එන්න බැ. සිංහයො , කොටි (චෙන්නයි වල ඉන්න කකුල් 4 අය )
වගෙ සත්තු ඔක්කොම ඉන්නෙ මේ වගෙ තමයි... ඒක මටනම් අලුත්ම අත්දැකීමක් උනා...

මෙතනදි සත්ව විශේෂ 150 ක් වගේ දැක ගන්න පුලුවන් උනා..

හැබැයි ඉතින් එපා කරපු වෙඩෙ තමයි සත්තු වත්ත පුරා පයින් ඇවිදින එක... හැතැප්ම 10 ක් විතර ඇවිදින්න තියනව.
අපිට ඉතින් වතුර බොතලයක් වත් අරන් යන්න මොලයක් තිබ්බෙ නැනෙ.ඇතුලෙ නම් කඩ මුකුත් නැ.. දොරටු ලඟ මිසක්.. :(

අහ්හ් තව දෙයක් කියන්න අමතක උනා...
මේ සත්තු වත්ත නම් නියමෙටම තිබුනට එතන තිබුන මින් මැදුර නම් මට අල්ලල ගියෙ නැ..
ලංකාවෙ දෙහිවල මින්මැදුර වත්, කැලණියේ වෝටර් වර්ල්ඩ් මින්මැදුර වත් තරම් එතන මාලු නම් නැ... :(

ඔන්න ඉතින් දවසක්ම ගෙවන්න නම් කියාපු තැන.
කවුරු හරි චෙන්නායි සංචාරයක යෙඩෙනව නම් මෙතනටත් යන්න අමතක කරන්න එපා...